Լատվիան օրինականացնում է սերմնաբջջի ներմուծումը

 

 

Լատվիայում որոշել են օրինականացնել սերմնաբջիջների արտահանումն ու ներմուծումը: Համապատասխան փոփոխություններն օրենսդրության մեջ ընդունվել են առաջին ընթերցմամբ:

Փոփոխություններն արվել են սեռական և վերարտադրողական առողջությանն առնչվող օրենքում: Առաջարկությունն արվել էր Առողջապահության նախարարության կողմից` մասնավոր կլինիկաների խնդրանքով:

Օրինագծի նպատակն է` կատարելագործել  բժշկական բեղմնավորման իրավական կարգավորումը և ապահովել վերարտադրողական բջիջների (ձվաբջիջների և սերմնաբջջի) հասանելիությունը:

Լատվիայում սերմնաբջջի դոնորների համար կան սահմանափակումներ, օրինակ, տարիք, առողջական վիճակ և այլն: Այս օրինագծի ընդունումը թույլ կտա ընտրել դոնորներ նաև այլ երկրներից:

 

Այս միջոցով Լատվիայի իշխանությունները հույս ունեն մի քանի տոկոսով բարձրացնել ծնելիությունը:

 

 

 

 

 

Հոդվածներ