Սերմնահեղուկի ԴՆԹ-ի ֆրագմենտացիայի հետազոտություն

Տղամարդկանց մոտ անպտղության պատճառներից մեկը սերմնահեղուկի ԴՆԹ-ի ֆրագմենտացիան է: Սերմնահեղուկի ԴՆԹ-ի ֆրագմենտացիայի հետազոտությունը թույլ է տալիս պարզել տղամարդկանց սերմնաբջջում ԴՆԹ-ի վնասվածության աստիճանը: Սերմնահեղուկի ԴՆԹ-ի մոլեկուլների վնասումը կամ պատռումը կարող է հանգեցնել բեղմնավորման և պտղի զարգացման խանգարման, ինչպես նաև հղիության ընդհատման:

  Եթե Դուք և Ձեր զուգընկերն ունեք անպտղության խնդիր, այն դեպքում, երբ տղամարդու մոտ էակուլյատի ցուցանիշները (կենտրոնացում, մորֆոլոգիա, շարժողունակություն) նորմայի սահմաններում են՝ խոսեք բժշկի հետ սերմնահեղուկի ԴՆԹ-ի ֆրագմենտացիայի հետազոտության նպատակահարմարության մասին: Հնարավոր է, որ անպտղության պատճառը սերմնահեղուկի ԴՆԹ-ի ֆրագմենտացիայի բարձր մակարդակն է:

 

 

 

 

 

 

 

 

 

Սերմնահեղուկի ԴՆԹ-ի ֆրագմենտացիայի հետազոտության ցուցումներ

• Անհայտ ծագման անպտղություն
• Հղիության անկրելիություն
• Արհեստական բեղմնավորման մի շարք անհաջող փորձեր
• 35 տարեկանից բարձր տարիք
• Արական սեռական համակարգի օրգանների քրոնիկ բորբոքային հիվանդություններ
• Սերմնալարի ողկուզանման երակային ցանցի վարիկոզ լայնացում (վարիկոցելե)
• Արտամարմնային բեղմնավորման ժամանակ էմբրիոնի ցածր կենսունակություն
• Արտամարմնային բեղմնավորման ժամանակ ձվաբջիջների բեղմնավորման բարդություն
• Վերջին 3 ամիսների ընացքում  մարմնի ջերմաստիճանի բարձրացում
• Սերմնահեղուկի սառեցման ժամանակ (համոզվելու համար, որ սառեցված նմուշը ունի ֆրագմենտացիայի բավարար մակարդակ)
• 45-ից բարձր տղամարդկանց

 

Սերմնահեղուկի ԴՆԹ-ի ֆրագմենտացիայի հետազոտության նախապատրաստում

• Հետազոտությունից 3-5 օր առաջ զերծ մնալ սեռական հարաբերությունից (այդ թվում ձեռնաշարժությունից)
• Հետազոտությունից առաջ՝ 1 շաբաթվա ընթացքում չընդունել ալկոհոլ
• Հետազոտությունից առաջ՝ 1 շաբաթվա ընթացքում չայցելել շոգեբաղնիք, տաք լոգանք չընդունել

Ինչքան քիչ է վանասված սերմնահեղուկի ԴՆԹ-ն, այնքան մեծ է երջանիկ ծնողներ դառնալու հավանականությունը:

Հետազոտվեք Ձեզ բուժող բժշկի մոտ:

Համապատասխան մասնագետի մոտ կարող եք հերթագրվել (+374 10) 65-43-43 հեռախոսահամարով կամ մեր կայքի միջոցով: