Սերմնաբջիջների դոնորություն

 

 

Դոնորական սերմի բանկ

 

Դոնորական  սերմի բանկը նախատեսված է տղամարդու անպտղության ծանր տեսակների բուժման, ժառանգական հիվանդությունների փոխանցման և միայնակ կանանց համար: Բոլոր դեպքերում դոնորի սերմը սառեցվում է և պահպանվում հեղուկ ազոտի մեջ վեց կամ ավելի ամիսներով վարակների փոխանցման ռիսկը նվազեցնելու համար:

 

Տվյալ բուժման մեթոդի ընտրությունը, որպես կանոն, շատ ծանր է ազդում ամուսնական զույգերի վրա, քանի որ նրանց ապագա երեխան գենետիկորեն կապված չի լինելու ամուսնու հետ: Շատ կարևոր է, որ երկու զույգերն էլ ընդունեն գենետիկորեն ընդհանուր երեխա ունենալու անհնարինությունը և հասկանան դոնորական սերմի օգնությամբ բեղմնավորված երեխայի դաստիարակության բոլոր կողմերը:

 

Դոնորական սերմի բանկի ծառայություններից օգտվելու որոշում ընդունած հիվանդներին սովորաբար հետաքրքրում է, թե ինչպես է տեղի ունենում պոտենցիալ դոնորների ընտրությունն ու հետազոտությունը: Սերմի բանկում ընդգրկվելուց առաջ դոնորն անցնում է լայնամասշտաբ բժշկական և գենետիկական հետազոտություն: Նրան անպայման կստուգեն ՄԻԱՎ վարակի, սիֆիլիսի, հեպատիտ B և C և սեռական ճանապարհով փոխանցվող այլ հիվանդությունների (հոնորեա, խլամիդիոզ, ցիտոմեգալոդիրուս, հերպես, ուրեոպլազմոզ, միկոպլազմոզ) առկայությունը պարզելու համար: Դոնորը հետազոտվում է թերապեվտի, ուրոլոգի մոտ, անցնում գենետիկական կոնսուլտացիա: Բացի դրանից, դոնորը պետք է պարտադիր կոնսուլտացիա անցնի հոգեբանի մոտ:

 

Դոնորական սերմը սառեցվում և պահպանվում է կես տարի (այսպես կոչված ”կարանտինը”), որից հետո կրկին անգամ ստուգում են դոնորի ՄԻԱՎ վարակի, սիֆիլիսի ու հեպատիտի առկայությունը, քանի որ այդ հիվանդությունները կարելի է բացահայտել միայն վարակվելուց մի քանի ամիս անց: Ապասառեցված դոնորական սերմի օգտագործումը թույլատրելի է միայն վեց ամիս անց դոնորի կրկնակի ստուգումների բացասական արդյունքների դեպքում:

 

Դոնորական սերմը կարող է օգտագործվել ներարգանդային բեղմնավորման (ՆԱԲ) կամ ԱՄԲ ցիկլի համար: “Սերմի դոնորության” ծրագիրն իր մեջ ներառում է այն նույն փուլերը, ինչ ԱՄԲ կամ բեղմնավորման սովորական ծրագիրը, ուղղակի արհեստական բեղմնավորման համար օգտագործվում է վեցամսյա կարանտին անցած դոնորական սպերման:

 

Ընդհանուր առմամբ, կրիոսառեցապահպանումից հետո սերմի կիրառումը չի նվազեցնում բուժման արդյունավետությունը:

 

Սերմի դոնորներ կարող են լինել:

 

• հիվանդների բարեկամներն ու ծանոթները,
• արհեստավարժ անանուն դոնորները:

 

Սերմի բանկը պարունակում է տվյալներ դոնորի արտաքինի, ազգության, կրթության, մասնագիտության, ընտանեկան կարգավիճակի, երեխաների առկայության վերաբերյալ: Դոնորի ինքնության վերաբերյալ տեղեկատվությունը գաղտնի է, իսկ դոնորը տեղեկատվություն չի ստանում այն հիվանդների մասին, ում համար նախատեսված է նրա սերմը: Դոնորը ստորագրում է համաձայնագիր, որում նշված է, որ նրա սերմը և դրանից ստացված սաղմերը հանդիսանալու են հիվանդների սեփականությունը:

 

Դոնորներին ներկայացվող պահանջները՝

 

• տարիքը՝ 18-35 տարեկան;
• արտաքին տվյալներում շեղումների բացակայություն (մարմնի և դեմքի ճիշտ կառուցվածք);
• ֆիզիկական և հոգեկան առողջություն:

 

Դոնորական սերմին ներկայացվող պահանջները՝

 

• սերմի ծավալը ավելի, քան 2 մլ;
• 1 մլ սերմնահեղուկում ավելի, քան 80 մլն սերմնաբջջի առկայություն;
• շարժունակությունը ավելի, քան 60 տոկոս;
• նորմալ տեսակի առկայությունը ավելի, քան 60 տոկոս;
• կրիոդիմացկունություն (սառեցումից հետո սերմի գոյատևելու կարողությունը):

 

Սերմի դոնորների հետզոտության ծավալը՝
 

• Թերապևտի զննումը և եզրակացությունը (տարեկան մեկ անգամ);
• Ուրոլոգի զննումն ու եզրակացությունը (տարեկան մեկ անգամ);
• Հոգեբանի զննումն ու եզրակացությունը (մեկ անգամ);
• Վարակների առկայության ստուգում՝ հոնորեա, խլամիդիոզ, ցիտոմեգալովիրուս, հերպես, ուրեապլազմոզ, միկոպլազմոզ (ուժի մեջ է 6 ամիս);
• Գենետիկի կոնսուլտացիա (մեկ անգամ);
• Արյան մեջ սիֆիլիսի, ՄԻԱՎ, հեպատիտ B և C որոշում (ուժի մեջ է 3 ամիս),
• Արյան խմբի և ռեզուս գործոնի որոշում;
• Ցիտոգենետիկ սքրինինգ:

 

Դոնորական սերմի օգտագործմամբ ԱՄԲ կատարման ցուցումներ՝

 

Ամուսնու կողմից՝

 

• տղամարդու անպտղություն;
• սերմնաժայթքման հետ կապված և սեռական խանգարումներ;
• անբարենպաստ բժշկական և գենետիկական կանխատեսումներ:

 

Կնոջ կողմից՝

 

• սեռական զուգընկերոջ բացակայությունը:

 

Հակացուցումներ՝

 

• Սոմատիկ և հոգեկան հիվանդություններ, որոնց դեպքում հղիությունը հակացուցված է;
• Արգանդի խոռոչի զարգացման բնածին արատներ կամ ձեռք բերված խանգարումներ, որի դեպքում սաղմերի իմպլանտացիան անհնար է;
• Ձվարանների ուռուցքներ;
• Էդոմետրիումի հիիպերպլաստիկ պրոցեսներ,
• Արգանդի բարորակ և օպերատիվ բուժում պահանջող ուռուցքներ;
• Ցանկացած լոկալիզացիայի սուր բորբոքային հիվանդություններ;
• Ցանկացած լոկալիզացիայում, այդ թվում նաև անամնեզում առաջացած չարորակ գոյացություններ: